Sunday, October 12, 2008

ಮೊದಲ ಹೆಜ್ಜೆ.....

ಅಬ್ಬಾ.... ಅಂತೂ ಬ್ಲಾಗ್ ಕ್ರಿಯೇಟ್ ಮಾಡಿ ನಾಲ್ಕು ತಿಂಗಳ ನಂತರ ಬರೆಯೋಕೆ ಟೈಮ್ ಸಿಕ್ಕಿದೆ. ಇಷ್ಟು ದಿನ ಒಂದೇ ಒಂದು ಲೇಖನವೂ ಇಲ್ಲದೆ ಖಾಲಿ ಕ್ಯಾನ್ ವಾಸ್ ನಂತಿದ್ದ ನನ್ನ ಬ್ಲಾಗ್ ನ ಸ್ಕ್ರೀನ್ ನಲ್ಲಿಂದು ಅಕ್ಷರಗಳು ಚಿತ್ತಾರ ಮೂಡಿಸಲಿವೆ. ಯಾಕಂದ್ರೆ ಇವತ್ತು ನನಗೆ ಬರೆಯುವ ಮನಸಾಗಿದೆ.....

ಹ್ಮ.... ಶುರು ಮಾಡ್ತೀನಿ ಕೇಳಿ ನನ್ನ ಪ್ರವರ....
ನಾನು ಕೃತಿಕ... ಓದಿದ್ದು ಪಿಯುಸಿ, ಓದುತ್ತಿರೋದು ಡಿಗ್ರಿ... ಸದ್ಯ ಪ್ರತಿಷ್ಠಿತ ಸಂಸ್ಥೆಯೊಂದರಲ್ಲಿ ಕೆಲಸ.
ಊರು ಉಡುಪಿ... ಆದರೆ ಹುಟ್ಟಿದ್ದು ಬೆಳೆದದ್ದು, ಈಗ ಇರೋದು... ಎಲ್ಲಾ ಬೆಂಗಳೂರಿನಲ್ಲೇ....
ಇದು ನನ್ನ ಬಗ್ಗೆ ನಾನೇ ಮಾಡಿಕೊಳ್ಳುತ್ತಿರುವ ಸಂಕ್ಷಿಪ್ತ ಪರಿಚಯ...

ಈಗ ನಾನು ಹೇಳ್ತಿರೋದು ನಾಲ್ಕು ತಿಂಗಳ ಹಿಂದಿನ ಕಥೆ.....
ಯಾವಾಗಲೂ ಬೇರೆಯವರ ಬ್ಲಾಗ್ ಗಳನ್ನು ನೋಡಿ, ಅವರ ಲೇಖನಗಳನ್ನು ಓದಿ ಸಂತಸಪಡುತ್ತಿದ್ದ ನನಗೆ ಅದ್ಯಾಕೋ ಗೊತ್ತಿಲ್ಲ ಇದ್ದಕ್ಕಿದ್ದ ಹಾಗೆ ನನ್ನದೂ ಒಂದು ಬ್ಲಾಗ್ ಇದ್ದರೆ ಹೇಗೆ ಅನ್ನಿಸಿತು. ಜೊತೆಗೆ ನಾನೂ ಬರೀಬೇಕು ಅನ್ನಿಸ್ತು. ಅದಕ್ಕೆ ಸಹೋದ್ಯೋಗಿ ರಾಧಾಕೃಷ್ಣರ ಬಳಿ ಹೋಗಿ, ರೀ ರೀ ನಂಗೂ ಒಂದು ಬ್ಲಾಗ್ ಕ್ರಿಯೇಟ್ ಮಾಡಿಕೊಡ್ರೀ ಅಂತ ದುಂಬಾಲು ಬಿದ್ದೆ... [ಹಿಂದಿನ ದಿನವಷ್ಟೇ ಅವರ ಬ್ಲಾಗ್ ನೋಡಿದ್ದೆನಲ್ಲಾ ಅದಕ್ಕೇ ;೦)] ಸರಿ ನನ್ನ ಕಾಟಕ್ಕೆ ತಲೆ ಚಚ್ಚಿಕೊಂಡರೂ ಪಾಪ ಹೇಳಿಕೊಟ್ಟರು... ಅಷ್ಟೇ... ಎಲ್ಲಿತ್ತೋ ಆ ಉತ್ಸಾಹ... ಹಿಂದೆ ಮುಂದೆ ಯಾವ ಸೀನಿಯರ್ ಇದ್ದಾರೆ ಅನ್ನೋದನ್ನೂ ಮರೆತು ಬ್ಲಾಗ್ ಕ್ರಿಯೇಟ್ ಮಾಡೋಕೆ ಕುಳಿತುಬಿಟ್ಟೆ. ಅಲ್ಲಿಂದ ಆರಂಭವಾಯ್ತು ಚಕ್ಕುಲಿ ಚಂದಿರನ ಮೋಡಿ....
ಮೊದಲಿಗೆ ಅದಕ್ಕೊಂದು ಮುದ್ದಾದ ಹೆಸರನ್ನ ಆಯ್ಕೆ ಮಾಡಿಕೊಂಡೆ. ಚಂದದ ಲೇಯೌಟ್ ನಿಂದ ಸಿಂಗರಿಸಿದೆ..... ಎಷ್ಟೋ ದಿನಗಳು ಕಳೆದ ಮೇಲೆ ನನಗೆ ಯಾವಾಗಲೂ ಅಚ್ಚರಿ, ಕುತೂಹಲ ಮೂಡಿಸುವ ನಕ್ಷತ್ರ ಪುಂಜದ ಛಾಯಚಿತ್ರ ಸೇರಿಸಿದೆ....
ಅದೇ ನಿಹಾರಿಕೆ....
ಬ್ರಹ್ಮಾಂಡದ ರಹಸ್ಯಗಳನ್ನೆಲ್ಲಾ ಒಡಲಲ್ಲೇ ಬಚ್ಚಿಟ್ಟುಕೊಂಡ ನಿಹಾರಿಕೆ.....
ಕನಸುಗಳು ಗರಿಬಿಚ್ಚುವ ಸಮಯದಲ್ಲಿ ಕಣ್ಣಿಗೆ ಹಬ್ಬವುಂಟುಮಾಡುವ ಅದೇ ನಿಹಾರಿಕೆ.....
ಹ್ಮ.... ಅದರ ಬಗ್ಗೆ ಮತ್ತೊಮ್ಮೆ ಬರೀತಿನಿ ಬಿಡಿ... ಈಗ ಸದ್ಯಕ್ಕೆ ಇಷ್ಟು ಸಾಕು ಅಂದುಕೊಂಡಿದ್ದೀನಿ....

2 comments:

Sampath said...

ellamma ninna aa dadiya Anna? avanige helu 'nanna tangi eShTu chennagiro Blog select maadiddaale' anta ellarigo barili.Ninn blogna hasaru tumba muddagide.nanna abhinandanegalu.

anand said...

brahmandaanne odalalli ittukonda neeharike, nimma barahada aatmavishvasa hechchali.